Jean Marie Dongou, Alberto Varo e Carlos Calderón fichan polo Club Deportivo Lugo

Jean Marie Dongou, durante a súa etapa no Barça B. Foto de fcbarcelona.es

O porteiro Alberto Varo, o extremo diestro Carlos Calderón e o dianteiro Jean Marie Dongou son tres novas fichaxes de Club Deportivo Lugo. Engádense ao dianteiro Jona Mejía, presentado onte. Varo asina por dúas tempadas con opción a unha terceira, Calderón por tres campañas e Dongou por dúas tempadas.

Alberto Varo é un porteiro tarraconense de 25 anos e 1.91 metros de estatura. Procede do Fútbol Club Barcelona B, co que competiu a última tempada en Segunda División, disputando dez partidos. A campaña previa, conseguiu o ascenso a La Liga 1|2|3 xogando outros dez encontros. Debutou en Segunda co Gimnàstic de Tarragona, club no que se formou, en febreiro de 2016 contra o Real Valladolid no Nou Estadi de Tarragona (1-1).

Carlos Calderón é un extremo diestro de 23 anos, nado en Almansa (Albacete), procedente do Getafe C.F., co que debutou en Primeira a pasada tempada o 21 de outubro de 2017 contra o Levante U.D. no estadio Ciutat de València (1-1) competindo durante cinco minutos. Tres días despois, xogou en Copa contra o Deportivo Alavés en Getafe durante catro minutos.

Por último, o dianteiro camerunés Jean Marie Dongou, de 23 anos, procede do Gimnàstic de Tarragona, co que só xogou oito partidos a pasada tempada e non marcou. Suma 33 goles en Segunda División entre Barça B e Real Zaragoza. O seu tope goleador foron once tantos co Barça B na campaña 2014-2015 en Segunda. Marcou o seu primeiro gol na categoría con 16 anos no campionato 2011-2012. Xogou un partido de Champions League, un de Primeira División e outro de Copa co primeiro equipo do Barça na tempada 2013-2014. 

Os tres novos futbolistas albivermellos serán presentados o xoves ás doce do mediodía no estadio Ángel Carro.

3 COMENTARIOS

  1. […] Alberto Varo afirmou que está “moi ledo” por fichar polo Lugo e “moi agradecido a Emilio (Viqueira, director deportivo do Lugo), ao club, aos xogadores” por como lle “trataron ao chegar”. Definiuse como “moi competitivo e pódese demostrar en cada partido ou cada adestramento”. Subliñou a “confianza do club en todo momento”. “Cando me chamaron, non o dubidei”, comentou. “Alegroume bastante saber que aquí me querían, que contaban conmigo”, explicou. Asegurou que Roberto Fernández, porteiro do Lugo até o final da tempada pasada e novo adestrador de porteiros, acolleuno “moi ben”, polo que está “moi agradecido”. “Estivo pendiente en todo momento de mín”, afirmou. […]

DEIXAR UN COMENTARIO

Please enter your comment!
Please enter your name here