O Lugo amence con mal sabor de boca trala derrota e a polémica contra o Zaragoza (1-3)

Nin o árbitro nin o VAR sancionaron unha man de Eguaras xusto antes do primeiro gol.

Minuto de silencio polas vítimas do coronavirus antes do Lugo-Zaragoza | LaLiga

EFE | O primeiro partido do Lugo na casa tras o parón da pandemia non resultou tan satisfactorio como a sensación de poder volver rodar o balón no Anxo Carro. No encontro co Real Zaragoza, os maños cortaron a progresión do Lugo (1-3), que levaba catro partidos sen perder. O deste martes non estivo exento de polémica a raíz dun tanto do xaponés Kagawa tras unha man de Eguaras que nin o árbitro nin o VAR sancionaron.

“A xogada do 0-1 ten que ser invalidada”, sostivo o entrenador dos albivermellos, Curro Torres, tras finalizar o partido. O técnico xa adiantaba que o Zaragoza era “dos mellores da categoría” aos seus ollos, pero os ánimos cos que chegaban polos últimos resultados facíanlles confiar.

Porén, non foron quen de transformar esa moral alta en puntos. Os de Curro Torres terán que estar pendentes do que fagan este mércores os catro equipos que o perseguen e que disputarán dous encontros directos: Oviedo-Dépor e Estremadura-Albacete.  O conxunto maño, en cambio, consegue tres puntos que o poñen líder de LaLiga Smartbank polo menos ata o xoves.

DEIXAR UN COMENTARIO

Please enter your comment!
Please enter your name here