O lucense Hugo Sánchez non continuará no Santiago Futsal

Hugo Sánchez, nunha entrevista en El Correo TV. Foto de YouTube.

O ala lucense Hugo Sánchez Flores non continuará no Santiago Futsal despois de cinco tempadas no equipo, en Primeira División.

Hugo, de 29 anos, competiu na máxima categoría nas últimas nove tempadas entre Azkar Lugo F.S. (2009-2011), Benicarló F.S. (2011), Marfil Santa Coloma (2012), C.D. Burela (2012-13) e Santiago Futsal (2013-2018). Santiago Futsal xogará a vindeira campaña en Segunda División tralo descenso de categoría.

O Santiago Futsal subliña que o xogador lucense “é un exemplo como deportista e como persoa”. 

Hugo Sánchez amosou os seus sentimentos en Twitter: “O que me coñece sabe de boa man que estou tremendamente orgulloso de ter defendido esta camiseta e a esta cidade. Foi un auténtico pracer.”

Hugo destaca pola súa notable capacidade defensiva, sentido táctico e olfato de gol. 

Mañá terá lugar a despedida ás doce do mediodía en “A Nave de Vidán”.

 

DEIXAR UN COMENTARIO

Please enter your comment!
Please enter your name here