O receptor Víctor Bouza volve ao C.V. Emevé

O receptor Víctor Bouza. Foto de rfevb.es

O Club Voleibol Emevé Lugo comunicou a volta ao club do receptor Víctor Bouza despois da súa etapa en Kladno Volejbal CZ, da República Checa, onde fichou no mercado de inverno acadando o subcampionato de Liga e Copa. O equipo masculino do Emevé compite en Superliga 2, segunda categoría do voleibol español. Bouza, de 28 anos 1.88 metros de estatura, cumprirá a súa terceira etapa no club. Tamén xogou no Río Duero San José (2014-2015) e en C.D.V. Textil Santanderina (2016-2017). No Kladno Volejbal CZ chego xogou tamén en dúas etapas.

Co Emevé, Víctor Bouza proclamouse campión da Copa Príncipe en 2018 en Leganés e foi elixido MVP do torneo. 

Segundo o club, volve para facerlles “vibrar co seu tesón, garra e explosividade, que fan que sexa puro espectáculo velo xogar”. “Benvido a casa”, afirma o Emevé.

DEIXAR UN COMENTARIO

Please enter your comment!
Please enter your name here