O Breogán, firme na súa postura sobre o remate da LEB Oro pese ás críticas doutros clubs

Apostan por retomar a tempada na cancha ou por anulala, no caso de non poder volver competir, e eliminar ascensos e descensos. Con todo, insisten en que este plan non pretende ser un ataque para ningunha entidade.

O Breogán celebra unha vitoria | ACB

EFE | O Leche Río Breogán saíu ao paso das críticas que suscitou a súa formulación para a LEB Oro, na que milita, e que consiste en retomar a competición na cancha ou, en caso contrario, anular a tempada se non se pode volver competir. Serían partidarios, entón, de obviar os ascensos e descensos en caso de que non se poida xogar.

Esta postura, “defendible coma calquera outra”, segundo o club, provocou certa polémica con outros clubs como o Carramimbre Valladolid, pero o Breogán insiste en que a súa proposta “debe interpretarse no sentido de que non supón ataque contra nada nin ninguén”.

“A intención do club é seguir mantendo, como ata a data, a boa relación con todos os clubs cos que compite, aproveitando a presente nota para felicitar a todos os integrantes da liga e a propia Federación que, no día a día, loitan por preservar o futuro do baloncesto español”, indica.

“Por todo iso, á espera das reunións que restan por manter, agradecemos de antemán o esforzo que se está realizando, asumindo, xa desde agora, que sen existir seguramente unha solución que beneficie a todos, chegarase a un acordo no que o gran vencedor sexa o baloncesto”, engade o Breogán.

DEIXAR UN COMENTARIO

Please enter your comment!
Please enter your name here