Javi López é o novo adestrador de Club Deportivo Lugo para a súa sétima tempada consecutiva en La Liga 1|2|3. Francisco Javier López Castro firma até o 30 de xuño de 2020.
Javi López, nado en Barcelona vai 54 anos, actualmente traballaba como adxunto á dirección deportiva do Real Sporting de Gijón con Miguel Torrecilla, ex R.C. Celta de Vigo, ao fronte. Previamente, a súa última experiencia como adestrador foi no Real Club Celta de Vigo B na tempada 2014-2015 en Segunda División B durante 17 xornadas con 4 vitorias, 3 empates e 10 derrotas . A campaña previa, adestrou ao Girona F.C. en Segunda División durante 11 xornadas.
No campionato 2010-2011, a súa última tempada completa nun banquillo, rematou en oitava posición de Segunda División co Xerez Club Deportivo. Por aquel entón, Emilio Viqueira, actual director deportivo do Lugo, era o director deportivo do Xerez.
En Segunda División, foi adestrador do Girona F.C. (2013-2014), F.C. Cartagena (2011-2012), Recreativo de Huelva (2009-2010), Deportivo Alavés (2008-2009), Gimnàstic de Tarragona (2007-2008) e a extinta U.D. Salamanca (2006-2007).
Acadou o ascenso a Segunda coa U.D. Salamanca en 2006.
Como futbolista, cómpre subliñar a súas catro tempadas no Villarreal C.F. (1992-1996), ademáis dunha campaña en Galicia no Rácing de Ferrol (1996-1997). Xogaba de central.
O adestrador será presentado o martes 19 de xuño a partir das 12 do mediodía no estadio Ángel Carro.
[…] vindeira pretempada. Os adestramentos comezarán o luns 9 de xullo baixo a dirección técnica de Javi López, que substitúe a Francisco […]
[…] Javi López, adestrador de Club Deportivo Lugo, afirmou que a concentración que comezan mañá no Hotel Balneario Laias Caldaria en Laias (Ourense) servirá para “romper a rutina de estar aquí mañá e tarde na mesma instalación”, estarán “nun panorama distinto” e permitiralles “traballar con augas na recuperación” e “facer un pouco máis de grupo”. Mañá, antes de viaxar a Laias, xogarán contra o Real Oviedo en Xove (Lugo) a partir das 20 horas. […]