InicioDeportesO deporte lucense triunfa nos Xogos do Eixo Atlántico

O deporte lucense triunfa nos Xogos do Eixo Atlántico

63 rapaces e rapazas de clubes de Lugo foron seleccionados para participar nesta competición en Portugal. Volveron á casa con 12 medallas, seis delas de ouro.

PUBLICADA O

- Advertisement -

Os 63 deportistas de Lugo que participaron nos Xogos do Eixo Atlántico, celebrados en Braga (Portugal), regresaron á casa con 12 medallas, seis delas de ouro. Os triunfos foron logrados nas disciplinas de atletismo, fútbol e baloncesto.

En concreto, nesta semana de Xogos en Braga, os deportistas lucenses fixéronse con seis medallas de ouro en atletismo de ruta feminina, lonxitude masculina,  1.000 metros feminino e masculino, en lanzamento de peso feminino e en 4×100 masculino. Ademais, gañaron catro medallas de prata en lanzamento de peso masculino e en 100 metros feminino. Tamén obtiveron o segundo posto e un trofeo nas categorías masculinas de fútbol-7 e baloncesto.

Á parte diso, a delegación de Lugo tamén competiu en natación e baloncesto feminino, onde quedaron entre os dez primeiros equipos.

“ORGULLO LUCENSE”

En total, nestes Xogos participaron 1.673 deportistas menores de 16 anos e que proviñan de 26 localidades de Galicia e Portugal. Deles, 63 eran de Lugo e foron seleccionados entre os distintos clubs do concello.

O concelleiro de Deportes, Miguel Fernández, que acompañou á delegación, felicitou a todos os participantes. Comentou que “poden estar felices co traballo e o esforzo desenvolvido, sempre xogando con respecto e deportividade”. “Sodes un exemplo de orgullo lucense“, sostivo.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...