Catuxa Castro, do Club Lóstregos Lucus, campioa do mundo junior de hockey liña

Foi a única galega convocada pola Selección, que vén de impoñerse a Estados Unidos nos World Roller Games de Barcelona

Catuxa Castro Sas, campioa do mundo junior en hockey liña | Club Lóstregos Lucus

Catarina Castro Sas, ‘Catuxa‘, xogadora do Club Lóstregos Lucus, proclamouse campioa do mundo junior de hockey liña. Logrouno coa Selección española, que vén de impoñerse nos World Roller Games de Barcelona este 4 de xullo.

O conxunto español derrotou na final a Estados Unidos cun resultado de 2-0. Catuxa foi a única galega escollida para xogar coa Selección, logo de proclamarse como máxima goleadora na Liga Nacional Ouro. Ademais, ela e as súas compañeiras do club de patinaxe lucense ao que pertence -Lóstregos Lucus- conseguiran facerse co título de campioas galegas na liga feminina. Tal recoñecemento supón a hexemonía do equipo en todas as categorías (benxamín, alevín, infantil e senior feminino e masculino).

DEIXAR UN COMENTARIO

Please enter your comment!
Please enter your name here