Eloy Jiménez é o novo primeiro adestrador de C.D. Lugo

O novo primeiro técnico albivermello, cuxa última experiencia foi no Fuenlabrada a tempada pasada, asina até final de tempada con Jonatan Moreno coma asistente e cumprirá a súa primeira experiencia en Segunda

Eloy Jiménez é o novo primeiro adestrador de Club Deportivo Lugo despois da destitución de Alberto Jiménez Monteagudo onte á noite. Eloy Jiménez asina até final de tempada e chega con Jonatan Moreno coma axudante. Jiménez foi adestrador de Conquense, La Roda, UCAM Murcia, Mérida A.D. e Fuenlabrada, sempre en Segunda División B. Fuenlabrada foi a súa última experiencia a tempada pasada durante os derradeiros cinco partidos da liga regular e chegou a semifinais polo ascenso.

O novo primeiro técnico será presentado mañá luns ás 13 horas e realizará o seu primeiro adestramento o mesmo luns ás 17 horas. Será a súa estrea en Segunda División.

DEIXAR UN COMENTARIO

Please enter your comment!
Please enter your name here