Tito Díaz, primeiro adestrador de Cafés Candelas Breogán, opina que Unicaja Málaga, vindeiro rival este domingo no Pazo dos Deportes de Lugo ás 19:30 horas, é “un equipo con alta eficiencia ofensiva”, ten “moi bos tiradores abertos”, “abren moito o campo”, “moi bo equipo en ataque” e “teñen poderío interior”. Calificouno coma “un equipo forte, do top 5 da liga” e que “tivo unha semana para prepararse ben” porque non xogou a xornada pasada.
O técnico lucense adiantou que deben “afrontar este partido a partir da defensa” con “responsabilidad individual e colectiva, defender xuntos”, así como engadiu “pechar o rebote” e “xogar con ritmo”. “Non debemos baixar a cabeza ante parciales en contra”, lembrou.
Tito Díaz respondeu que “o equipo está mellor cada día en varios aspectos”. Adiantou que Tadija Dragićević reincorporouse “aos adestramentos”, así como Aleksandar Cvetković e Salva Arco “están xa entrando máis en dinámica do equipo outra vez”. Sobre o ala-pivote Tadija Dragićević “é, agora mesmo, o quinto pivote”, “vai polo bo camiño”, “fáltalle un pouquiño de ritmo”, pero “está moi animado” e “vai aportar cousas”. “Podemos facer trocos en cada partido”, lembrou.
Sobre Henk Norel, comentou que “está fóra” e “traballa no ximnasio”. “Teño entendido que probablemente até a vindeira tempada non vai formar parte da plantilla”.
