A próxima xira da banda de rock en castelán Marea, para presentar ‘El Azogue’, pasará por Lugo o 20 de setembro e pola Coruña o 5 de decembro.
Marea regresa aos escenarios con este novo disco, ‘El Azogue’, do cal, pese ao hermetismo que rodea a todo o relacionado cos de Berriozar, xa se di que é “o mellor de toda a súa extensa carreira de máis de 20 anos”.
Os organizadores tamén avanzan que será a xira “máis grande xamais contada”. “Camiño do cuarto de século nos escenarios, Kutxi, Kolibrí, Piñas, César e Alén continúan escribindo con letras de ouro a historia viva do rock de fala hispana”, destacan.
En Galicia, Bring The Noise, The Music Republic, Pontes Producións e Forever Project Music presentan estes dous concertos, segundo subliñan, “moi esperados por moitos tras máis de seis anos sen actividade musical da banda”.
Unha vez máis, Marea presentará a súa “efervescencia emocional” e quentará a escena e á súa lexión de seguidores.
![[Arquivo] Dispositivo de Tráfico | Garda Civil](http://lugoxornal.gal/wp-content/uploads/2019/01/2018_9_15_52015s740x-218x150.jpg "O 45% dos feridos graves en accidentes en Lugo durante os dous últimos anos son peóns, ciclistas e motoristas")
