A votación para escoller o cartel do Arde Lucus, aberta ata o domingo

A cidadanía realizará a primeira escolma de dez propostas que despois abordará un xurado profesional, e que decidirá o cartel oficial da 18.ª edición do Arde Lucus

Arde Lucus | Óscar Bernárdez
Arde Lucus | Óscar Bernárdez

Un total de 42 obras competirán por ser o cartel oficial do Arde Lucus 2019. A imaxe da 18.ª edición, a celebrar os días 14, 15 e 16 de xuño, será premiada con 1.300 euros. E será a cidadanía a que vote a primeira escolma, seleccionando as 10 propostas máis atractivas.

O cartel da gran recreación histórica será escollida a través das redes sociais do Arde Lucus, ata as 12.00 horas deste domingo 24 de febreiro. Para emitir o voto e sinalar como favorita unha das 42 opcións en competencia, soamente é necesario deixar un enderezo electrónico para facer o reconto seguro.

Completado o reconto de votos, farase pública a escolla a través das redes oficiais do Arde Lucus e da web do Concello de Lugo. O consistorio seleccionará a continuación un xurado formado por tres persoas expertas, o cal escollerá a obra gañadora entre as seleccionadas previamente pola votación popular, o día 27 de febreiro ás 11.00 horas na Casa da Xuventude.

Na edición precedente, esta Festa de Interese Turístico Galego e Festa de Interes Turístico Nacional albergou 350 eventos, a cargo de 17 asociacións históricas. En total, 44 colectivos –moitos deles foráneos, con representación francesa, romanesa ou italiana– participaron no desfile da 17.ª edición do Arde Lucus.

O calendario fixo era unha demanda das entidades colaboradoras co festexo, tanto na hostalaría coma entre as asociacións históricas. As datas garantizan bo tempo e manteñen certa distancia co mes de xullo, unha situación de consenso entre os distintos colectivos.

O Arde Lucus medra en espectáculo, mais non en recadación

DEIXAR UN COMENTARIO

Please enter your comment!
Please enter your name here