[VÍDEO] As mil caras de Martín Barreiro promocionan a provincia en FITUR

A Deputación de Lugo presenta un novo vídeo promocional en FITUR, a gran feira de turismo iberoamericana, que volve protagonizar o meteorólogo Martín Barreiro

Martín Barreiro, embaixador da provincia de Lugo tamén no 2019 | Deputación de Lugo
Martín Barreiro, embaixador da provincia de Lugo tamén no 2019 | Deputación de Lugo

Este xoves 24 de xaneiro marca a estrea da Deputación de Lugo en FITUR, a Feira Internacional do Turismo que cada ano organiza o Ifema de Madrid. Alí foi presentado o novo vídeo promocional da provincia, que outro ano máis protagoniza o senlleiro home do tempo Martín Barreiro.

O lucense ofrece mil caras na mensaxe promocional da Deputación, que incide nun turismo de calidade, sostible e con atención no patrimonio material e inmaterial lucense. FITUR é a feira de turismo máis importante a nivel iberoamericano.

O deputado de turismo, Eduardo Vidal Baamonde, explicou que “queremos mostrar todas as caras deste poliedro que é a nosa provincia, pois segue sendo unha gran descoñecida”. Así, fomentarase unha oferta con “xoias en cada un dos nosos concellos”.

Martín Barreiro: “É doado promocionar Lugo, temos moito que a xente descoñece”

 

DEIXAR UN COMENTARIO

Please enter your comment!
Please enter your name here