O lucense Luis Liz-Marzán, Premio Nacional de Ciencia

O director do Centro de Investigación biomaGUNE de Euskadi, e primeiro galego en recibir un Advanced Grant, acada por unanimidade a máxima distinción en Tecnoloxía Química

Liz-Marzán na entrega do Premio da Fundación Rei Jaume I á Investigación Básica, en 2015 | FPRJ
Liz-Marzán na entrega do Premio da Fundación Rei Jaume I á Investigación Básica, en 2015 | FPRJ

O Ministerio de Ciencia e Universidades laureou ao lucense Luis Liz-Marzán co Enrique Moles, o Premio Nacional de Ciencia e Tecnoloxía Química. Despois de catro anos sen convocarse, o premio estatal de investigación creado en 1982 recoñece as achegas ao eido da química coloidal e a nanociencia do investigador de Ikerbasque e director do CIC biomaGUNE, dependente do goberno de Euskadi.

Liz-Marzán (Lugo, 1965) doctorouse en Química na Universidade de Santiago de Compostela, foi investigador posdoctoral en Utrech, e profesor na Universidade de Vigo ata 2012, e profesor visitante en catro continentes. Como xefe do CIBER-BBN e director do centro de investigación cooperativa CIC biomaGUNE, posicionouse na listaxe dos científicos máis citados do mundo segundo Clarivate Analytics.

O xurado do Premio Nacional de Ciencia otorgou esta distinción a Liz-Marzán por unanimidade, valorando “as numerosas e significativas achegas aos campos da química coloidal e a nanociencia”, “abrindo novas fronteras na nanoescala dende un punto de vista químico, co obxecto de resolver problemas emerxentes de elevada importancia tecnolóxica, en particular, no campo biomédico”.

Luis Liz-Marzán | Agencia SINC
Luis Liz-Marzán | Agencia SINC

DEIXAR UN COMENTARIO

Please enter your comment!
Please enter your name here