InicioCulturaA Feira do Mel de Muras espera a máis de 3.000 persoas...

A Feira do Mel de Muras espera a máis de 3.000 persoas o 17 e 18 de novembro

Quince expositores ofrecerán o doce da montaña muresa, caracterizado polo gusto do breixo, canda a produtos de tempada e exhibicións de oficios

PUBLICADA O

- Advertisement -

RAMÓN G. REY | O Concello de Muras e maila Deputación de Lugo esperan que “unhas 3.000 persoas” se acheguen á Feira do Mel de Montaña, que se celebrará os días 17 e 18 de novembro na praza de Viveiró, á beira do popular restaurante Casa Cándida.

Quince expositores participarán na cuarta edición da mostra, que ofrecerá tamén produtos de tempada e exhibicións de oficios tradicionais.

O concello murés acolle case 30 explotacións apícolas, para un total aproximado de 1.000 colmeas.

Dependendo do clima, os apicultores do municipio chairego producen anualmente entre 700 e 2.000 litros de mel, polo que esta actividade supón un complemento económico importante para as familias.

O doce que os asistentes á Feira do Mel de Muras poderán degustar é mel escuro, catalogado como monofloral de breixo, e que se caracteriza polo gusto que lle dá este arbusto.

Desestacionalizar o turismo

A Feira do Mel aspira a desestacionalizar o turismo e impulsar non só o produto da montaña de Muras, senón tamén o patrimonio paisaxístico e histórico do municipio.

A Deputación de Lugo colabora con 3.000 euros neste evento, que se converteu nun referente a nivel comarcal.

O voceiro do goberno provincial, Álvaro Santos Ramos, o deputado de turismo, Eduardo Vidal, o alcalde murés, Manuel Requeijo, e mailo tenente de alcalde, Mario Rouco, asistiron á presentación da feira.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...