Á venda as entradas para O Son do Camiño, con Pablo López en Lugo

O festival O Son do Camiño saca á venda as entradas para as citas nas cidades de Galicia, con Lugo como derradeira parada, o sábado 17 de novembro

Pablo López protagoniza o concerto de O Son do Camiño en Lugo | Pablo López
Pablo López protagoniza o concerto de O Son do Camiño en Lugo | Pablo López

Seis concertos de recoñecidos artistas nacionais e internacionais completarán este outono a programación de O Son do Camiño 2018, o festival co que Galicia promove a celebración do Xacobeo 2021. Despois de que o festival tivera a inauguración en Santiago de Compostela, as novas citas musicais ampliarán o seu alcance ao resto de cidades galegas atravesadas polos diversos itinerarios xacobeos.

O cartel estará protagonizado por The Hives na Coruña e Miguel Poveda, en Ferrol, ambos concellos do Camiño Inglés; en Lugo, cidade pola que discorre o Camiño Primitivo, recalará Pablo López; mentres que en Ourense, na Vía da Prata, actuará Rodrigo Leao. Finalmente, José González pasará por Pontevedra, no Camiño Portugués, e Mon Laferte por Vigo, no Camiño Portugués da Costa, pechando así a programación da primeira edición do evento.

As seis citas darán continuidade á primeira cita dun festival que, ao longo de tres xornadas, congregou a 84.000 asistentes de 12 países no revitalizado Parque Monte do Gozo. O Son do Camiño aspira a espallar e promover a imaxe de Galicia a través dun dos seus principais activos culturais e turísticos, o Camiño de Santiago.

A Xunta é o principal patrocinador deste calendario, que aposta pola descentralización e á desestacionalización, enriquecendo a programación musical de outono, época tradicionalmente lonxe dos principais eventos.

O único punto de venda oficial é a páxina web osondocamino.es e as diferentes webs indicadas para cada concerto (ataquilla.com ou entradasatualcance.com, dependendo do evento).

Concerto de Rodrigo Leão en Ourense
Sábado 20/10/2018 – Auditorio Municipal
Dende 25 € + gastos. Á venda proximamente.

Concerto de Jose González en Pontevedra
Venres 26/10/2018 – Teatro Afundación
Dende 29 € + gastos.

Concerto de Miguel Poveda en Ferrol
Sábado 3/11/2018 – Auditorio Municipal
Dende 45 € + gastos. Á venda proximamente.

Concerto de Mon Laferte en Vigo Mércores 7/11/2018 – Teatro Afundación
Dende 16 € + gastos.

Concerto de The Hives en A Coruña Sábado 10/11/2018 – Sala Pelícano
29 € + gastos.

Concerto de Pablo López en Lugo
Sábado 17/11/2018 – Pazo de Feiras e Congresos
Dende 29 € + gastos.

DEIXAR UN COMENTARIO

Please enter your comment!
Please enter your name here