Cun aforo de 15 participantes por xornada, o programa #LugoÉArtesanía continúa este sábado a andaina comezada a pasada fin de semana en Mondoñedo.
Despois dun amplo percorrido pola artesanía do barrio dos Muíños, esta fin de semana será o turno de coñecer a olería da Reitoral de Gundivós e do Obradoiro Fígulus. Visitarase unha barreira e un forno comunitario, e xantarase de picnic nun dos marabillosos miradoiros da Ribeira Sacra. Pola tarde continuarase camiño cara o obradoiro do luthier Germán Arias en Sarria.
As persoas que queiran anotarse a esta ou a outras xornadas poderán facelo no correo info.centrad@deputaciondelugo.org ou chamando ao teléfono 982210066