A 18 edición do festival internacional de maxia LugoMáxico, que contará con corenta actuacións, celebrarase en catro espazos na cidade amurallada entre o 24 e o 29 de maio.
A concelleira da área de Cultura no Concello de Lugo, Maite Ferreiro, presentou esta nova edición, unha das “máis consolidadas” do panorama estatal, nunha rolda de prensa acompañada dos magos Teto e Rafa.
Tras un ano de pandemia, a principal novidade para esta edición é que se recupera o espectáculo na rúa, en concreto no canellón do Hospital. Ademais deste escenario tamén haberá actuacións no Museo Interactivo da Historia, no Cárcere Cárcere e a gala final celebrarase no auditorio Gustavo Freire.
O mago Rafa, un dos organizadores, subliñou que para esta edición primou “a seguridade”, ademais de pór o acento en que o programa é “moi completo” con “artistas nacionais e internacionais”.
Tamén destacou a presenza das tres mullres –unha delas venezolana e outra ucraína–, con esa presenza da muller “cada vez máis en auxe”, o que “supón darlle a importancia que ten”.
A gala final terá lugar o día 29 no auditorio Gustavo Freire coa actuación, a partir das 20,00 horas, de Dani Daortiz. Este é o único acto que non será gratuíto e terá un prezo de cinco euros, con descontos tamén para os colectivos máis vulnerables.