Xoel López presenta o seu novo disco, no que colaborou o lucense David Quinzán

O cantante coruñés vén de publicar 'Si mi rayo te alcanzara': "É o último retrato de cando eramos felices".

Xoel López | Arquivo Europa Press

O cantante coruñés Xoel López presenta o seu último traballo, ‘Si mi rayo te alcanzara’, un disco gravado antes da chegada da pandemia que podería ser “o último retrato de cando eramos felices”. É o décimo quinto álbum da súa carreira e con el abre camiño a unha nova etapa na súa traxectoria musical. Entre as novidades do disco está a de que Xoel López non compuxo as cancións en solitario, senón que a autoría é compartida co lucense David Quinzán.

“Eu o que quería era unha especie de colaborador para facer o meu disco. Non facelo eu só, como o fixen 14 veces”, explica López sobre un traballo no que se ve “libre”. Confesa que buscaba “romper con iso e incluír a unha persoa externa”, aínda que, neste caso, non é tan externa, “porque ademais de ser un compositor ao que admiro moito é un íntimo amigo meu”.

Incide en que “non é un disco composto a medias”, senón a catro mans. “Eu o que realmente lle expoño é que nas miñas cancións el teña unha pequena parte”, destaca, aínda que sempre desde a perspectiva de que “era un disco de Xoel” e de que as súas achegas “eran un complemento”.  A experiencia resultou satisfactoria ata o punto de que o músico coruñés asegura que “aínda que agora mesmo estou a facer cancións eu só outra vez, volvería facelo. Foi fantástico”.

Podes ler a información completa no Galicia Confidencial.

DEIXAR UN COMENTARIO

Please enter your comment!
Please enter your name here