Percorrer o territorio Galego choutando de queixo en queixo é posible. Ou, polo menos, pódese facer sobre o papel, logo da publicación por parte da revista de viaxes Condé Nast Traveller dun mapa ilustrado que recolle as principais e máis emblemáticas variedades de queixo de Galicia. Segundo apuntan dende a cabeceira, o mapa recolle un total de 12 queixos entre os que se contan “sabores olvidados” que paga a pena recuperar.
Deste xeito, a publicación propón un percorrido a través dos lácteos que pasa polas montañas lucenses, saíndo da Ribeira Sacra e camiño das Fragas do Eume. “Nunca como ata agora o mundo do queixo foi tan variado no nordés”, apuntan dende a cabeceira, que destaca o papel dunha nova xeración de queixeiros á hora de aportar “ideas frescas” á profesión.
No tocante ós queixos lucenses, destacan o clásico Arzúa-Ulloa, o Xiros, pertencente á aldea homónima de Guitiriz, e o San Simón da Costa, producido maioritariamente na Terra Chá.