InicioCulturaDios Ke Te Crew estrea un videoclip rodado na Fonsagrada e en...

Dios Ke Te Crew estrea un videoclip rodado na Fonsagrada e en Negueira de Muñiz

"Seguro que vés a esta aldea e xa non volves á cidade", cantan estes rapeiros en 'Reinicio', cuxo vídeo foi dirixido polo realizador fonsagradino Xaime Miranda. Todo o recadado polo tema será doado á Rede de Plataformas Compostela Ulla-Tambre.

PUBLICADA O

- Advertisement -

O grupo de rap galego Dios Ke Te Crew vén de publicar o novo videoclip do seu tema ‘Reinicio’, no que reivindican o modo de vida do rural. A peza foi dirixida por Xaime Miranda, recoñecido realizador nado na Fonsagrada. Se cadra iso tivo algo que ver á hora de escoller as localizacións da peza, gravada parcialmente no concello fonsagradino e en Negueira de Muñiz.

A carón da lareira ou baixo dos butelos colgados do teito, os Dios Ke Te Crew cantan: “Seguro que vés a esta aldea e xa non volves á cidade / aquí somos unha comunidade de verdade”. E repiten, unha e outra vez, que “hai que dar un paso adiante para avanzar un pa’tras”.

COLABORAN CON COLECTIVOS ECOLOXISTAS

Ademais, este vídeo foi elaborado con fins solidarios. Todo o recadado pola canción en Youtube ou nas distintas plataformas de streaming (Spotify, iTunes, Deezer, Google Music, Amazon…) será doado á plataforma cidadá Rede Compostela Ulla-Tambre, da que forman parte varios colectivos e asociacións activistas: Salvemos a Comarca de Ordes, Asociación Vertedoiro Lesta Non, Plataforma Casalonga Limpa de Residuos, Mina Touro-O Pino Non, Salvemos as fragas de Catasós, Plataforma pola Recuperación do Sar, Plataforma de Afectados polo vertedoiro de Santiago de Compostela-Miramontes, e a Plataforma Afectados Destilería Rois.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...