InicioCulturaTeatro infantil para reflexionar: as nenas e nenos poden (e deben) aburrirse

Teatro infantil para reflexionar: as nenas e nenos poden (e deben) aburrirse

O auditorio Gustavo Freire de Lugo acolle a obra 'Patapatúm', unha representación de Elefante Elegante que se alzou co Premio María Casares ao Mellor Espectáculo Infantil do 2019.

PUBLICADA O

- Advertisement -

A obra de teatro ‘Patapatúm, premio María Casares ao mellor espectáculo infantil do 2019, chega esta fin de semana ao auditorio Gustavo Freire de Lugo. É unha representación de Elefante Elegante na que se reflexiona sobre ese costume de encher o tempo dos nenos con xoguetes e bens materiais.

O espectáculo, previsto para este domingo 12 de xaneiro ás 18:30 horas, é unha obra de teatro mudo no que cobran moita relevancia os xestos e maila música. Así, Elefante Elegante faranos pensar se realmente é positivo querer manter os cativos entretidos todo o tempo. O aburrimento, se cadra, tamén pode ser clave para que desenvolvan a súa creatividade. Eses obxectos e agasallos funcionan como xogo ou como resposta á falta de tempo que teñen os pais para dedicarlle aos seus fillos? Esas e outras cuestións virán á cabeza ao longo desta obra familiar, sostida nun ton cómico.

As entradas para ver ‘Patapatúm’ pódense conseguir na páxina que o Concello habilita para tal mester, na Oficina de Turismo ou no propio Auditorio Gustavo Freire. O seu prezo é de tres euros.

ÚLTIMAS

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...

Rexeitamento da Deputación de Lugo á instalación da planta Altri en Palas

A Deputación de Lugo manifestou a súa oposición á planta de Altri no municipio...