InicioMedioambiente e PatrimonioOs tecores da Terra Chá e Negueira de Muñiz, entre o mellor...

Os tecores da Terra Chá e Negueira de Muñiz, entre o mellor de Europa

A etiqueta Wildlife Estates recoñece a diversidade da fauna e a calidade paisaxística dentro da Unión Europea

PUBLICADA O

- Advertisement -

A excepcional biodiversidade de Lugo conta cun novo certificado de calidade a nivel europeo. Negueira de Muñiz renova o recoñecemento Wildlife Estates, ao que este ano incorpóranse os tecores da Terra Chá. Esta etiqueta valora a boa xestión dos espazos naturais en 17 países da Unión Europea, coa auditoría de 1.600.000 hectáreas certificadas coma exemplares dende o punto de vista da fauna e a paisaxe.

Este selecto grupo conta co tecor de Negueira de Muñiz dende hai sete anos. A renovación deste recoñecemento vai acompañada da incorporación do espazo da Terra Chá, que recibe este venres o seu certificado de calidade. O acto está previsto para as 11.30 horas no Museo das Aves de Feira do Monte, en Cospeito. Estes tecores serán os primeiros en Galicia en contar coa distinción.

O tecor chairego dispón de máis de 200 especies de vertebrados catalogados, aínda que só oito teñen interese cinexético. Segundo explican os responsables de Wildlife Estates, esta condición converte á Terra Chá nun auténtico reservoiro da natureza, incluíndo a súa riqueza forestal e paisaxística.

No anuncio estiveron presentes o delegado da entidade certificadora dos tecores, Caros Otero Muerza, o presidente do Tecor Terra Chá, Jaime González Penelas, o presidente de honra do Tecor de Negueira de Muñiz, José Luís Lodos Ferreiros, o experto cinexético Francisco García-Bobadilla, e o delegado territorial da Xunta en Lugo, José Manuel Balseiro.

A etiqueta Wildlife Estates foi deseñada de acordo coa política ambiental e dentro dos parámetros lexislativos que establece un dos socios promotores a Dirección Xeral de Medio Ambiente da Unión Europea. Os predios e territorios que locen este distintivo, ademais de asinar unha carta de compromisos e pasar a correspondente auditoría ambiental, superan avaliacións periódicas sobre as medidas de prevención de incendios, dispoñibilidade de auga e comida, fomento da diversidade, boas prácticas agrogandeiras e programas de comunicación, entre outros.

ÚLTIMAS

Mochilas sensorias neurodiverxentes nos Museos de Lugo

Os museos provinciais --Museo Provincial de Lugo, Museo do Mar de San Cibrao, Museo...

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...