Uns descoñecidos borran as pintadas antisistema na igrexa de Negueira

Varías persoas volveron acampar no patio da igrexa, pero desta vez, cun resultado diferente: as pintadas desapareceron.

Fogueira e pintada que uns descoñecidos fixeran no patio da Igrexa de Negueira.

As pintadas antisistema que foran realizadas hai algunhas semanas no patio de entrada á igrexa de Negueira de Muñiz desapareceron a pasado fin de semana, despois de que un grupo de descoñecidos, similar ao que supostamente realizara os debuxos nas paredes do templo, acampasen nese lugar.

Hai algunhas semanas, un grupo de persoas acampara no patio da igrexa de Negueira de Muñiz e, ao marcharen, quedaran nas paredes do amorno restos de polo menos dúas fogueiras, xa que o lume danou o enfoscado dos muros. Tamén había unha pintada na que se podía ver unha especie de sol, cun rodete de pintar debuxado no seu interior.

O sacerdote que se ocupa do coidado esas igrexas, Miguel Álvarez, precisou que esta fin de semana varias persoas volveron “acampar” no mesmo lugar, pero neste caso cun resultado moi diferente.

Precisou que esas persoas aproveitaron o tempo para pintar de branco as paredes do patio da igrexa de Negueira de Muñiz, de modo que lle devolveron a ese espazo o seu aspecto orixinal.

“Deixárono todo como estaba en orixe”, afirmou o sacerdote, quen non acerta a explicar os motivos dos sucedido. “Se cadra remordeulles a conciencia”, afirmou, ao darse conta de que o que fixeran non estaba ben.

DEIXAR UN COMENTARIO

Please enter your comment!
Please enter your name here