InicioEconomíaDeputación e concellos abren a selección de persoal para as residencias

Deputación e concellos abren a selección de persoal para as residencias

Está aberta dende este sábado a inscrición do proceso de selección pública de fisioterapeutas, ATS, psicólogos e terapeutas ocupacionais

PUBLICADA O

- Advertisement -

Dende este sábado está aberto o prazo de inscrición para participar no proceso de selección pública de fisioterapeutas, ATS, psicólogos e terapeutas ocupacionais para os centros de maiores de Deputación e Concellos. Todos os interesados poden facer a súa solicitude a partires deste sábado e durante 10 días naturais. No Boletín Oficial da Provincia figura a convocatoria, as bases e o temario que se tratará neste concurso oposición, aberto a todos os cidadáns. 

Son perfís profesionais necesarios segundo a normativa Servizos Sociais para prestar o servizo público de residencias e centros de día e que na actualidade non teñen Deputación e concellos. Si contan con outros traballadores públicos tamén necesarios, como os de servizos comunitarios, mantemento ou xardinería, que se incorporarán aos centros de maiores.

Aquelas prestacións que obriga a ter normativa de Servizos Sociais e que non se poidan cubrir debido á Lei de Presuposto –pola taxa de reposición–, Deputación e concellos ofreceranas mediante contratos de servizos públicos, que non son concesións. Estes supoñen a xestión pública e directa por parte de ambas as dúas institucións e eximir aos usuarios do pago do IVE.

Deste xeito, xa están en marcha os contratos de servizos para as prestacións de formación básica e instrumental e de servizos xerais nas residencias de Trabada e Ribadeo. Son dous dos centros de maiores que poderían abrir no 2019 xunto aos de Pol, A Fonsagrada e Pedrafita do Cebreiro. Todos eles o farán mediante un modelo de xestión pública e directa dende os Concellos, que son os que teñen as competencias de servizos sociais, coa colaboración interadministrativa pública e horizontal da Deputación. Tamén se sumou a este modelo Ribas de Sil, actualmente en obras. 

ÚLTIMAS

Candia esixe ao goberno de Lugo que actúe ante os conflitos que se orixinan nos locais do lecer da rúa Tui

O barrio da Milagrosa de Lugo rexistrou esta fin de semana un novo incidente...

Detido en Lugo un home que quedou cunha menor de idade a través dunha aplicación de citas

A Policía Nacional detivo en Lugo a un home que foi sorprendido o pasado día 3...

Identificados catro almerienses por presuntamente estafar 4.500 a un empresario lucense por Internet

A Garda Civil de Lugo identificou a catro veciños de Almería por supostamente estafar 4.500 euros...

Incendio nunha empresa de colchóns de Palas de Rei mobiliza un amplo operativo de emerxencias

Os servizos de emerxencias traballan na extinción dun incendio iniciado no exterior do recinto...