A Xunta dá luz verde á indicación xeográfica protexida (IXP) “Terras do Navia”, unha denominación que ampara e pon en valor viños producidos en doce parroquias dos concellos lucenses da Fonsagrada, Navia de Suarna e Negreira de Muñiz.
O Diario Oficial de Galicia (DOG) publica hoxe a orde na que se acepta a solicitude de rexistro de ICP “Terras do Navia” solicitada pola Asociación para a Defensa das Variedades Autóctonas e do Viñedo da Ribeira do Río Navia.
O rexistro desta indicación xeográfica protexida basease nas características do produto, pois trátase de viños brancos e tintos frescos e suaves, con aromas florais e de froitas e cunha gradación alcohólica moderada. Ademais, tamén pon en valor a súa reputación no mercado galego e asturiano e ás características de produción vinculadas ao medio natural.
Ademais dos requisitos de produción e comercialización, a orde publicada establece que a Axencia Galega de Calidade Alimentaria (Agacal) se encarga da comprobación do cumprimento do prego de condicións da IXP “Terras do Navia”.