InicioAncaresAtopan aforcado o veciño de Navia de Suarna que levaba dúas semanas...

Atopan aforcado o veciño de Navia de Suarna que levaba dúas semanas desaparecido

Apúntase a un posible suicidio, pero seguen abertas todas as liñas da investigación.

PUBLICADA O

- Advertisement -

O veciño de Navia de Suarna desaparecido o pasado 29 de abril foi localizado falecido tras dúas semanas de procura infrutuosa coordinada pola Garda Civil. O alcalde de Navia de Suarna, Pepe Fernández, confirmou que o corpo do home, veciño da Ventosa, foi achado “a un quilómetro da súa casa, nun sitio bastante escondido, onde hai bastantes árbores”.

Tras implicarse a Garda Civil no rastrexo, por terra e aire cun helicóptero que mesmo tivo un contratempo, o corpo do home de 53 anos aparecía colgado nun “Barreiro” a un quilómetro de distancia da súa casa, nesa parroquia onde era o único habitante. Pola súa banda, o 112 confirmou que pasadas as 11,30 horas deste martes axentes da Garda Civil confirmáronlle o achado do corpo no lugar de Ventosa, pertencente á parroquia de Moia.

No operativo de procura, coordinado pola Garda Civil, interviñeron os membros do GES de Becerreá e das Agrupacións de Voluntarios de Protección Civil de Lourenzá, A Fonsagrada e Pol, que axudaron nas tarefas de rastrexo e localización. O CIAE-112 tivo coñecemento da desaparición deste home de 50 anos, na noite do día 1 de maio, mediante a chamada de varios familiares. A partir de aí, a Garda Civil activou un operativo de procura, no que tamén colaborou Protección Civil de Cervantes e de Meira e a Unidade de Drones da Axega. Ademais, por parte do 112 tamén se avisou aos servizos sanitarios, aos Bombeiros de Sarria, ao GES de Padrón e á Asociación de Cans de Salvamento e Rescate de Ferrol e de Padrón.

INVESTIGACIÓN

O home apareceu “colgado”, indicou o rexedor, polo que, en principio, apúntase a un posible suicidio, pero están abertas todas as liñas de investigación por parte da Garda Civil que leva as pescudas. Pepe Fernández fixo referencia aos problemas de “saúde” do veciño, que padecía unha enfermidade mental. “Non se sabe o que lle pasou pola cabeza”, engadiu. “É unha situación desagradable e dura”, lamentou o alcalde.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...