InicioCultura'O que arde' gaña o Premio Gaudí á Mellor Película Europea

‘O que arde’ gaña o Premio Gaudí á Mellor Película Europea

O filme tamén conseguiu o galardón á Mellor Fotografía. O equipo agradeceu o recoñecemento cun discurso en galego e catalán no que reivindicaron a importancia do rural.

PUBLICADA O

- Advertisement -

Segue o éxito de O que arde. O filme, dirixido por Oliver Laxe e rodado nos Ancares, vén de gañar o galardón a Mellor Película Europea nos Premis Gaudí da Acadèmia del Cinema Català. O equipo de O que arde dedicoulles o premio a todas as persoas galegas que viven en Catalunya. Durante o discurso, no que conxugaron galego e catalán, tamén reivindicaron o poder do rural.

O director do filme, Oliver Laxe, lembrouse  de “todos os galegos que viven en Cataluña, que viron e apoiaron a película, que encheron as salas”. Pola súa parte, o produtor Xavi Font agradeceu o recoñecemento a unha cinta “cun contido tan fráxil”, “feita na periferia e no rural galego”. Precisamente, Xavi Font quixo destacar que é “responsabilidade” de todos “coidar o noso rural, que é gran parte da nosa memoria”.

O filme, coprotagonizado polo fonsagradino Amador Arias e pola corguesa Benedicta Sánchez, competía con outras tres películas: La favorita, de Yorgos Lanthimos; Lazzaro feliz, de Alice Rohrwacher, e Retrato de una mujer en llamas, de Céline Sciamma.

MELLOR FOTOGRAFÍA

As impresionantes imaxes de O que arde fixeron que a cinta tamén resultara triunfadora na categoría de Mellor Fotografía, obra de Mauro Herce. 

Así pois, O que arde conseguiu dous importantes galardóns unha semana antes da celebración dos Premios Goya, nos que o filme está nomeado en catro categorías: mellor película, mellor dirección, mellor actriz revelación e mellor fotografía.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...