A Xunta sinala o Concello de Navia e a CHC como responsables de reparar a pasarela que cruza o río

Lembran que a Administración Autonómica investiu diñeiro na construción da infraestrutura a principios dos 90, pero son os gobernos locais os que se deben facer cargo do seu mantemento.

Pasarela de madeira sobre o río Navia | Guías Masmar

A delegación territorial da Xunta de Galicia di comprender as queixas ante o mal estado da pasarela peonil que cruza o río Navia, no concello homónimo, e que serve de acceso a Barcia. Porén, sinala que as administracións competentes para a súa reparación son o propio Concello de Navia de Suarna e a Confederación Hidrográfica do Cantábrico (CHC).

Dende a Xunta entenden que as queixas veciñais “están totalmente xustificadas”, posto que, ao seu parecer, esta infraestrutura de madeira require unha obra de reparación integral. Lembran que, igual ca pasou noutros concellos de Lugo, a Xunta achegou os recursos económicos precisos para a construción de tal pasarela a inicios dos 90. Non obstante, serían os concellos os que se deberan encargan das tarefas de conservación e mantemento. “Claramente, neste caso non se teñen realizado convenientemente ou, directamente, descoidáronas”, critican.

En calquera caso, a Xunta fala dunha responsabilidade compartida coa Confederación Hidrográfica do Cantábrico, organismo competente neste espazo fluvial que podería colaborar co Concello nunha posible remodelación da pasarela.

DEIXAR UN COMENTARIO

Please enter your comment!
Please enter your name here