InicioPolíticaA Xunta asegura ser a única administración en asumir danos por lumes...

A Xunta asegura ser a única administración en asumir danos por lumes en Lugo

O executivo autonómico denuncia que tanto Deputación como goberno central incumpren coas axudas acordadas pola vaga de incendios de 2017

PUBLICADA O

- Advertisement -

A Xunta pon a súa parte para compensar aos lucenses polos danos da vaga de lumes de outubro de 2017, e o resto de administracións non. Esa é a tese que defendeu este luns José Manuel Balseiro, delegado territorial do executivo autonómico en Lugo, durante a visita á reconstrucción dunha vivenda do lugar de Pando, no Cereixedo (Cervantes). Balseiro asegurou que só a Xunta está a cumprir cos compromisos acadados no pleno da Deputación e na Federación Galega de Municipios e Provincias (Fegamp).

Os traballos neste inmoble, o único afectado da provincia de Lugo e que resultara completamente calcinado, contan co apoio financeiro da Consellería de Infraestruturas e Vivenda, que concedeu ao propietario unha achega de case 102.000 euros para financiar a reconstrucción e compensar a perda do enxoval. A subvención forma parte dun paquete de medidas aprobadas pola Xunta de Galicia naquel mes de outubro, logo de coñecerse os danos ocasionados polos lumes.

Segundo especificou o delegado territorial, o propietario recibira un anticipo de arredor de 25.000 euros, correspondentes ao 25 por cento do total da subvención concedida, isto é, a contía máxima permitida legalmente. O resto dos pagos, ata completar a axuda, efectuaranse durante as anualidades 2018 e 2019, logo da correspondente xustificación de gastos.

Esta achega acada o límite máximo permitido, pois a vivenda destruída polas lapas constituía a residencia permanente e habitual do seu morador, e inclúe gastos correspondentes á reposición das instalacións complementarias e anexas ao inmoble. Así mesmo, a Xunta cubriu o aloxamento provisional desta persoa afectada polos lumes, colaborando nas mensualidades de aluguer ata que remate a reconstrucción.

Por outra banda, Balseiro adiantou que a Xunta está a piques de tramitar convenios cos sete concellos lucenses que comunicaron danos en infraestruturas locais. En concreto, son os de Castro de Rei, Cervantes, Negueira de Muñiz, As Nogais, Pantón, Samos e Triacastela. Neste caso, o ente galego financiará a metade dos danos declarados.

O executivo autonómico realizou xa a petición de información correspondente e está pendente da sinatura formal dos convenios con cada concello. Con todo, en declaracións do delegado territorial, neste momento só a Xunta está en disposición de achegar a súa parte, correspondente á metade das reparacións. Nin a Deputación de Lugo, nin o goberno central, aportaron aínda 50 por cento restante, a pesar do seu compromiso.

Balseiro dixo amosarse “sorprendido polo silencio dalgúns alcaldes, outrora moi belixerantes contra a Xunta, e hoxe calados ante a falta de compromiso da administración provincial e central” cos afectados polos lumes. Dixo agardar “que estas administracións cumpran a súa palabra”, xa que existe un acordo tanto na Fegamp como na Deputación de Lugo que lles obriga a financiar o 50 por cento restante.

ÚLTIMAS

Nova oficina do SEPE en Lugo, pola que pasarán 27.000 veciños ao ano

A antiga Escola de Enfermaría de Lugo acolle a nova oficina do SEPE na...

Conmemoran a batalla do Porto de Bois e reivindican “Altri non”

Coincidindo coa xornada de conmemoración da batalla de Porto de Bois, xuntouse un grupo...

Lugo rexistra un terremoto de magnitude 3.6 que se fixo notar

Un terremoto de magnitude 3,7 na escala de Richter con epicentro en Sarria foi...

Un policía local de Lugo fóra de servizo practica un RCP e sálvalle a vida

Un policía local de Lugo que se atopaba fóra de servizo practicou unha manobra de...