InicioMedioambiente e PatrimonioO PSdeG insta a Xunta a declarar BIC a ponte de Cruzul

O PSdeG insta a Xunta a declarar BIC a ponte de Cruzul

O Goberno autonómico sinala que é competencia estatal.

PUBLICADA O

- Advertisement -

O PSdeG instou á Xunta de Galicia a iniciar os trámites necesarios para a declaración da ponte de Cruzul, no concello de Becerreá, como Ben de Interese Cultural; algo que o Goberno autonómico defendeu é competencia estatal. Na Comisión de Educación e Cultura, os socialistas defenderon o valor patrimonial, artístico e paisaxístico do lugar, cun “alto valor estético e ecolóxico”.

Dado que o Estatuto de Autonomía, apuntan, outorga á Xunta competencia exclusiva en materia de patrimonio cultural, os socialistas preguntaron pola situación desta obra de enxeñaría civil, cuxo informe positivo xa emitiu o Concello en 2009. Os propios socialistas puntualizaron, en caso de ser de competencia estatal, se o Goberno autonómico presentou algún tipo de solicitude formal.

Por parte da Xunta de Galicia compareceu a directora xeral de Patrimonio Cultural, María del Carmen Martínez Insua, que explicou que, dado que a ponte se atopa nunha estrada estatal, é responsabilidade do Estado. “Dado que é un ben adscrito a un servizo público, debe ser o Estado o que se ocupe”, asegurou.

A este respecto, sinalou que desde a Dirección Xeral remitiuse xa en 2010 o expediente completo de solicitude ao Ministerio e que, en 2013, o alcalde de Becerreá e o departamento autonómico se reuniron para “trasladar que a competencia era do Estado”.

ÚLTIMAS

Incendio nunha empresa de colchóns de Palas de Rei mobiliza un amplo operativo de emerxencias

Os servizos de emerxencias traballan na extinción dun incendio iniciado no exterior do recinto...

A Xunta só dá 10 días para consultar o expediente de Altri a 75 persoas interesadas

A Consellería de Economía e Industria recoñeceu a 75 persoas como interesadas no proxecto...

O PP lucense esixen a Tomé unha repartición “igualitaria” dos convenios da Deputación

Alcaldes e concelleiros do Partido Popular dos 67 concellos lucenses concentráronse este venres ante...

Dous detidos por estafar máis de 30.000 a unha empresa de Lugo

A Garda Civil de Lugo identificou a dous veciños de Cataluña que supostamente estafaron...