Retiran varios pneumáticos e lixo acumulado no cauce dun río en Becerreá

A Confederación Hidrográfica do Cantábrico ocúpase destes residuos, acumulados na contorna fluvial dende hai tempo.

Pneumáticos tirados no río Aira da Ponte, en Becerreá | ALX

Varios pneumáticos e unha morea de lixo levaban meses tirados no cauce do río Aira da Ponte, en Ouselle (Becerreá). Agora, a Confederación Hidrográfica do Cantábrico informa de que está inmersa nos traballos de acondicionamento de tal tramo fluvial.

As actuacións, que son levadas a cabo pola empresa pública Tragsa, inclúen a retirada das rodas e doutros residuos antrópicos (como latas, plásticos agrícolas e todo tipo de lixo) e o seu posterior traslado a un vertedoiro autorizado.

Completarán os labores ao extraeren das marxes do río algúns troncos e árbores caídas que reducen a sección de desagüe.

DEIXAR UN COMENTARIO

Please enter your comment!
Please enter your name here