Un falecido trala colisión entre un turismo e un camión en Baralla

Un home de avanzada idade perdeu a vida debido a un accidente de tráfico na N-VI ao seu paso pola parroquia de Pacios, en Baralla, no lugar da Valiña

N-VI ao seu paso por Baralla | A Contrarrotonda
N-VI ao seu paso por Baralla | A Contrarrotonda

Un home de avanzada idade faleceu este luns a consecuencia dun accidente de tráfico na N-VI en Baralla. Os servizos de emerxencia desprazados ao lugar da Valiña, en Pacios, só puideron certificar o seu pasamento.

A colisión entre o turismo e un camión bañeira foi a causante do sinistro, e foi precisa a colaboración dos Bombeiros de Sarria e o GES de Becerreá para a excarceración do finado. Estes medios foron mobilizados tralo aviso a central do 112, ás 14.11 horas.

Nun primeiro momento, os efectivos sanitarios valoraron mobilizar o helicóptero medicalizado dende Ourense, pero o doente perdeu a vida antes de poder despregar a unidade aérea. Así o confirmaron os bombeiros desprazados xunto coa Garda Civil de Tráfico.

Os especialistas precisaron empregar as herramentas de excarceración para liberar o corpo sen vida do home, atrapado no interior do vehículo.

DEIXAR UN COMENTARIO

Please enter your comment!
Please enter your name here