Estudantes e profesores de cinco países diferentes reivindican a importancia da via Kunig

Participan no programa Erasmus plus e fixeron un tramo deste camiño nas Nogais.

Participantes no programa Erasmus plus de distintos países posan nas Nogais tras realizar un tramo da vía Kunig / Javi Gómez

Un total de 40 alumnos e 15 profesores participantes no proxecto erasmus plus “Bring Europe Together” reivindicaron a importancia da vía Kunig, un camiño alternativo ao actual trazado do Camiño francés que era moi coñecido na idade media e popularizou un monxe alemán.

Despois de visitar a Torre de Doncos, este mozos fixeron un tramo da vía kuning que remataron na vila de As Nogais. Estes peregrinos improvisados son de Lituania, Rumanía, Polonia, Italia e España.

Un grupo de mozos realiza parte do tramo da vía kunig nas Nogais / Javi Gómez

Todos eles resaltaron a “increíble belleza da paisaxe e o excelente estado do Camiño”, segundo comenta Javi Gómez, arqueólogo e historiador e un dos impulsores desta vía alternativa. De feito, Gómez destaca que este era o autentico camiño real de Carlos III.

O proxecto erasmus plus “Bring Europe Together” traballa os distintos patrimonios que se poden atopar nestes países: o natural, o material e o inmaterial. Por iso, este grupo tamen visitará Santiago de Compostela, a costa da Mariña e a propia cidade de Lugo.

DEIXAR UN COMENTARIO

Please enter your comment!
Please enter your name here