Distintas persoas aprenderan estes días a mellorar os seus proxectos empresariais. Será no VI Campus de Emprendemento Sostible da Deputación e nun entorno privilexiado, aa Reserva da Biosfera dos Ancares Lucenses.
Durante os vindeiros días, os participantes coñecerán a viabilidade dos seus proxectos e recibirán asesoramento técnico, económico, comercial ou medio ambiental para a súa posta en marcha. Explicaranse os principais elementos a ter en conta á hora de crear unha empresa, así como os instrumentos que contribúen a unha boa idea empresarial, como identificar as oportunidades de negocio.
Durante os tres primeiros días, as xornadas serán carácter máis teórico. Así, ata o vindeiro mércores, 27 de marzo, os participantes recibirán formación especializada sobre viabilidade comercial, técnica, legal, medioambiental e económico-financeira das súas ideas empresariais.
COÑECENDO EMPRESAS
A parte práctica celebrarase o xoves 28, co percorrido que os emprendedores realizarán ao longo de todo o día por distintos negocios de éxito establecidos en diferentes Concellos da Reserva da Biosfera Terras do Miño.
Estas empresas están enfocadas a diferentes actividades, co denominador común de manter prácticas respectuosas co medio ambiente. Con esta experiencia, os participantes poderán afondar un pouco máis nas súas ideas empresariais e comparar experiencias que lles axudarán a analizar a viabilidade dos seus proxectos.
Segundo apunta a Deputacijón de Lugo, unha vez finalizado o campus, os emprendedores contarán con titorías de asesoramento personalizadas, coas que poderán continuar o traballo iniciado, para poñer en marcha as súas ideas de negocio.
PRAZAS
Todas as persoas interesadas nos seminarios que se están a celebrar no Concello de Cervantes para os emprendedores da zona dos Ancares Lucenses, aínda poden facer a súa solicitude de inscrición a través da web da Deputación, www.deputacionlugo.com, cubrindo o formulario en http://cursos.deputacionlugo.org/terrasmino_rato/ou chamando ao 982 227 813.