Os lumes cébanse agora coa provincia de Lugo

Máis de 50 hectáreas queimadas en dous incendios en Muras e Palas.

Incendio en Palas de Rei / Brigada de Marroxo

Un incendio forestal permanece activo este martes no termo municipal de Muras (Lugo) logo de queimar unhas 20 hectáreas de superficie, mentres que outro rexistrado este luns no concello lucense de Palas de Rei está controlado despois de arrasar unhas 35 hectáreas.

Segundo informou a Consellería do Medio Rural, o lume de Muras declarouse na parroquia do Burgo e afecta provisionalmente a unhas 20 hectáreas de superficie. Nesta mesma parroquia tivera lugar outro incendio de grandes proporcións hai unha semana polo que non se descarta que teñan sido provocados.

Mentres, na parroquia de Pambre, en Palas, sobre as 19,18 horas deste luns declarouse un incendio que queimou unhas 35 hectáreas. Para controlar as chamas foron mobilizados catro axentes, 10 brigadas, catro motobombas e cinco helicópteros.

DEIXAR UN COMENTARIO

Please enter your comment!
Please enter your name here