O Concello de Monterroso decidiu cancelar a Feira de Santos por “sensatez, coherencia e responsabilidade” ante a pandemia da covid-19.
“A actual incerteza creada polos continuos rebrotes e a dificultade que se albisca ao redor da mobilidade leva ao goberno local a tomar esta triste medida a pesar de tentalo ata o último momento“, destaca o Consistorio.
En calquera caso, traslada a súa intención e compromiso de “loitar para que esta feira sexa declarada festa de interese turístico nacional” e “revitalizala” en próximos anos.
Con máis de 700 anos de historia e centro de atracción de miles de persoas, este evento xa conta coa distinción de Festa de Interese Turístico Galego.