Detido un home de Antas de Ulla por unha agresión machista en Vigo

O agresor golpeou á parella logo de que a muller, que tivo que fuxir co fillo en brazos, lle recriminase o consumo de cocaína

A Policía Local de Vigo detivo a un home de Antas de Ulla por violencia de xénero | Miguel Núñez
Coche de Policía. Miguel Núñez

Un home natural de Antas de Ulla foi detido por un suposto delito de violencia de xénero cometido en Vigo. Logo de que a parella lle recriminase consumir cocaína, este individuo agrediu á muller, que tivo que escapar da vivenda.

Os feitos producíronse na noite do luns en Vigo. Segundo o relato da vítima, a discusión polo consumo de drogas levou a A.P.C. a adoptar unha actitude violenta. Isto obrigou á parella a refuxiarse nun dos cuartos do inmoble, dende o que contactou coa Policía Local.

Como reflicte o comunicado do corpo de seguridade municipal, os axentes foron comisionados pola Central de Información e Mando ás 22,50 horas, dirixíndose á rúa María Auxiliadora. No entanto, o veciño de Antas foi quen de acceder á habitación e retirarlle o teléfono, polo que a muller fuxiu co fillo que teñen en común.

Xa no lugar, a Policía Local tomou declaración á vitima, que portaba ao neno en brazos, e presentaba unha lesión. Os axentes comprobaron que había obxectos tirados no chan do piso onde se produciron os feitos, e procederon a indentificar e deter ao varón, que ameazou verbalmente á muller.

DEIXAR UN COMENTARIO

Please enter your comment!
Please enter your name here