InicioA UlloaAsí está o mercado do traballo en Lugo

Así está o mercado do traballo en Lugo

No último ano, e segundo os datos do Ministerio de Empleo, Lugo liderou o incremento de postos de traballo en Galicia.

PUBLICADA O

- Advertisement -

Lugo ten 19.698 parados rexistrados nas oficinas dos servizos públicos de emprego (antigo Inem) dos 173.709 que hai no conxunto de Galicia. Son datos a febreiro de 2019, o que indica que o pasado mes diminuiu minimamente o desemprego con respecto a xaneiro deste mesmo ano.

Deste xeito, e segundo os datos do Ministerio de Empleo, foron 238 lucenses os que atoparon traballo durante o pasado mes, un 1,41% con respecto a xaneiro, o maior crecemento en Galicia, cuxa media foi dun 0,62%.

Así, o número de parados baixou na comunidade en 1.091 persoas en febreiro en relación con xaneiro, fronte ao incremento en 3.279 desempregados no conxunto estatal (+0,1%). O desemprego caeu en todas salvo en Pontevedra, onde se rexistrou un aumento do 0,09%, con 59 parados máis, até 69.267. Descendeu un 0,33% en Ourense (64 menos e un total de 19.297) e un 1,22% na Coruña (848 menos, até 68.447).

De feito, nun ano, os parados diminuíron nas catro provincias galegas, lideradas de novo neste caso pola redución de Lugo (-9,66%).

SEGURIDADE SOCIAL

No tocante á seguridade social, tamén houbo novas altas en febreiro en Lugo que acadaron as 119, o que supón un incremento de 0,1%, e chegan a 120.696 persoas. No conxunto de Galicia a cifra incrementouse en 4.940 afiliados en comparación co mes anterior, un 0,5% máis que en xaneiro.

Por provincias, os afiliados en febreiro respecto de xaneiro na Coruña soben en 2.577 (+0,61%) até 428.387; seguidos do total de 347.096 en Pontevedra (1.958 máis, un 0,57%). En Ourense auméntase en 286 e consegue os 101.132, un 0,28% máis.

En taxa interanual hai unha caída de 94 cotizantes en Ourense (-0,09%), mentres o resto elévanse: Pontevedra (+2,55%), A Coruña (+2,08%) e Lugo (+1,29%).

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...