InicioPolíticaAntonio Gato liderará unha opción independente por Monterroso

Antonio Gato liderará unha opción independente por Monterroso

O histórico alcalde socialista de Monterroso deixara a formación en 2018, intre no que se adiviñaba que continuaría por conta propia

PUBLICADA O

- Advertisement -

Socialista dos de Tierno Galván, Antonio Gato militou durante catro décadas na formación pola que foi alcalde de Monterroso entre 1999 e 2015. Menos de medio ano despois de anunciar que abandonaba o Partido Socialista, confirma que liderará Independentes por Monterroso, de novo cuño, nos vindeiros comicios do 26 de maio.

Antonio Gato percorrerá unha vía paralela á do seu rival Suso Otero, outro histórico socialista que en 2015 lle arrebatou a alcaldía de Monterroso por Independentes Terras do Asma (INTA), as siglas do rexedor de Chantada, Manuel Varela. Otero, outrora subdelegado do Goberno, foi inhabilitado mentres ostentaba o bastón de mando e na actualidade volve a asesorar a Miguel Rico, sucesor no cargo.

Empurrado por “un amplo grupo de persoas” a presentar unha candidatura independente, Antonio Gato precisou que o proxecto nada ten que ver con outras iniciativas semellantes. “Non queremos saber nada desas candidaturas independentes que hai por aí adiante”, en referencia tanto ao INTA coma á opción auspiciada polo díscolo Manuel Martínez.

Despois de catro maiorías absolutas, Antonio Gato confía en que Monterroso valore “a xestión” feita no período en que foi alcalde. Sobre a saída do Partido Socialista, polo que foi parlamentario e voceiro provincial, evitou facer declaracións. “Non vou opinar sobre unha organización na que estiven corenta e tres anos, abonda con que se saiba que marchei desa organización”.

Rafael García encabeza a lista socialista

A marcha de Antonio Gato, voceiro do partido trala derrota electoral de 2015, precipitouse en setembro do ano pasado entre rumores de que a dirección procuraba un xiro na candidatura. O candidato será o actual Secretario Xeral da Executiva e coordinador comarcal, Rafael García. Militante dende comezos de século, o alcaldable traballa no servizo de emerxencias municipal.

ÚLTIMAS

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...

Rexeitamento da Deputación de Lugo á instalación da planta Altri en Palas

A Deputación de Lugo manifestou a súa oposición á planta de Altri no municipio...