InicioSociedadeA área de Lugo rexistra o maior aumento de casos activos de...

A área de Lugo rexistra o maior aumento de casos activos de Galicia, 24 máis

As persoas contaxiadas por Covid sitúanse en 192.

PUBLICADA O

- Advertisement -

A área sanitaria de Lugo mantén unha soa persoa en críticos e reduce a seis os pacientes hospitalizados noutras unidades – dous menos -, segundo os datos actualizados na mañá deste venres pola Consellería de Sanidade con rexistros ata as 18,00 horas deste xoves. Por outra banda, os casos activos de Covid-19 aumentan nun total de 24, o que supón o maior incremento entre todas as áreas sanitarias. Sitúase, desta maneira, en 192 casos tras sumar 25 novos contaxios.

GALICIA

Galicia encara o final da segunda semana sen estado de alarma cunha tendencia de casos activos de Covid-19 en descenso ata os 2.675 e un alivio da presión hospitalaria ao reducirse a 146 os pacientes ingresados por este coronavirus, 14 menos que a xornada pasada. Ademais, os novos contaxios reducíronse lixeiramente a 176, sete menos. Descenden a 30 os pacientes Covid ingresados en UCI –dous menos– e a 116 os ingresados noutras unidades –12 menos–.

As probas PCR realizadas desde o inicio da pandemia no conxunto da Comunidade galega aumentaron a 2.195.413, que supoñen 5.363 máis que as rexistradas ata a xornada pasada e unhas 500 menos que as feitas o día anterior. Con respecto á taxa de positividade –porcentaxe de infeccións por test PCR realizados– continúa nun 3% –en concreto nun 3,06%– tras situarse nun 3,16% a xornada anterior e subir ao 3,4% o mércores, despois de manterse por baixo do 2% no inicio desta semana. Así, prosegue por baixo do 5% que a Organización Mundial da Saúde (OMS) fixa para dar por controlada a pandemia. A última vez que Galicia excedeu esta barreira foi o 15 de febreiro.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...