InicioMedioambiente e PatrimonioA Deputación denuncia o abandono do Camiño Real en Lugo e pídelle...

A Deputación denuncia o abandono do Camiño Real en Lugo e pídelle á Xunta un plan de recuperación integral

"Ao Camiño Real pásalle como ao Camiño ao Mar, que segue agardando polo seu recoñecemento oficial", di a deputada García Porto.

PUBLICADA O

- Advertisement -

A Deputación de Lugo reclamou á Xunta un plan de recuperación integral, sinalización e promoción do Camiño Real na provincia de Lugo, unha petición acordada por unanimidade no pleno de maio, ao aprobarse unha moción defendida polo PSdeG.

A portavoz socialista do Goberno, Pilar García Porto, pediu que o plan se aplique á totalidade dos concellos polos que transcorre o trazado do Camiño Real, “e non de forma parcial como se fixo nos traballos do 2017”.

Ademais, a proposta recolle que a Xunta de Galicia, tendo en conta as achegas das administracións locais, deseñe accións de promoción do Camiño Real como atractivo cultural e turístico, ligado á promoción xeral de diferentes rutas do Xacobeo na provincia de Lugo.

A deputada de Promoción do Territorio e Turismo concretou que este itinerario entra por Pedrafita do Cebreiro, percorre os concellos de Triacastela, As Nogais, Becerreá, Láncara, O Corgo, Lugo, Outeiro de Rei, Rábade e Begonte, e sae da provincia de Lugo por Guitiriz cara á provincia da Coruña.

“A pesar das reclamacións de veciños e veciñas, asociacións culturais e ambientais, e estudiosos de numerosos ámbitos, o Camiño Real de Lugo non conseguiu das autoridades da Xunta a protección e a posta en valor que merece a súa importancia histórica“, sinalou.

García Porto indicou que a Xunta de Galicia iniciou en 2017 o deseño dun plan parcial para facer tarefas de sinalización nos concellos de Triacastela, As Nogais, Becerreá, Láncara e OCorgo.

“Un plan no que apenas se investiron 50.000 euros e que despois quedou interrompido, sen estender ao conxunto do trazado”. “Desde o 2017 ata este ano pasaron cinco anos e non se fixo nin un só quilómetro máis en relación co Camiño Real. O certo é que non entendemos por que non se fixo o trazado completo, e tampouco entendemos que sabendo da relación que ten co Camiño Francés e o de Inverno non se aproveitasen fondos do Xacobeo para impulsalo”, indicou.

A deputada considerou que a motivación pode estar na “desgana pola preocupación do patrimonio”, xa que está a xerar “camiños de primeira e camiños de segunda, porque ao Camiño Real pásalle como ao Camiño ao Mar, que segue agardando polo seu recoñecemento oficial”.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...