InicioPolíticaCandia: "É unha honra para min e para o PP de Lugo...

Candia: “É unha honra para min e para o PP de Lugo ser vicepresidenta primeira do Parlamento galego”

Reafirma o seu compromiso de "seguir traballando neste proxecto político" e espera "estar á altura e non defraudar".

PUBLICADA O

- Advertisement -

A presidenta do PP de Lugo e parlamentaria autonómica, Elena Candia, asegurou hoxe que é unha “honra” para ela e para os populares lucenses o seu nomeamento como vicepresidenta primeira do Parlamento galego.

Candia, que se estreou esta semana no cargo, confesou que o “Parlamento de Galicia é das institucións máis respectadas en democracia, é a expresión da vontade popular dos galegos e non só polas funcións que ten senón polo que representa”.

“É unha honra para min e para o PP de Lugo”, afirmou. Tamén aproveitou para agradecer “aos compañeiros (do grupo parlamentario do PP) que depositaron a confianza” nela “do mesmo xeito que cando” a “designaron viceportavoz (do PPdeG na Cámara galega)”.

Elena Candia reafirmou o seu compromiso de “seguir traballando neste proxecto político” co que se identifica. “E espero estar á altura e non defraudar”, engadiu. “Agradezo que Lugo estea na Mesa (do Parlamento)”, esgrime tamén ante a súa designación. En canto ao PP de Lugo e tras a reorganización na Xunta e no Partido Popular de Galicia, Candia ten claro que gaña un “peso máis importante” e “xa non só en cantidade, senón a nivel de peso cualitativo”.

Sobre todo destacou o papel “importante” e a presenza de alcaldes da provincia na nova executiva liderada por Alfonso Rueda, como é o caso dos rexedores de Friol, Cervo ou Triacastela. Esa maior presenza municipal obedece a que “os alcaldes levan traballando moito, e son alcaldes e alcaldesas con moi bos resultados e que ademais teñen a xenerosidade de compartir a súa saber facer con outros compañeiros”.

CIDADE DE LUGO

“Temos en Lugo alcaldes que levan moitísimos anos con maiorías absolutas e con porcentaxes de apoio envexables. Aí somos unha referencia”, presumiu.

Finalmente afeou á alcaldesa de Lugo, a socialista Lara Méndez, por reprochar ao ex presidente da Xunta Alberto Núñez Feijóo que non inaugurase “nada” na cidade nos seus 13 anos á fronte do Goberno galego, pero “teña sen abrir o auditorio” de Magoi desde que o Executivo galego entregase a obra acabada ao Concello fai cinco anos.

ÚLTIMAS

Mochilas sensorias neurodiverxentes nos Museos de Lugo

Os museos provinciais --Museo Provincial de Lugo, Museo do Mar de San Cibrao, Museo...

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...